موضوع نقاش خاص ب الكل

السلام عليكم ورحمة الله وبركاته

سؤال للاخوات

لو فرضنا ان فيه شاب ملتزم ملتحي

فيه صفات كتير جميله

انه ملتزم داخليا كمان مش بس ظاهريا

وملتحي

وأهلك سألوه يابني انت ليه مربي ذقنك يعني حتي خففها شويه وبعدين يعني الالتزام مش لحيه ده فيه ملتحين كتير نصابين ومش كويسين وكمان في دعاه كتير مش ملتحين انت احسن منهم

كان رد الشاب الملتحي انا مربي ذقني عشان بحب النبي اوي عليه الصلاة والسلام وبحاول اكون زيه في كل حاجه وحب النبي ده لله عشان ربنا امرني بكده

وعشان بحب ربنا وربنا قال في القرءان قل ان كنتم تحبون الله فاتبعوني يحببكم الله

لذلك عشان اثبت اني بحب ربنا لازم اتبع الرسول صلي الله عليه وسلم وبعدين
لماذا يلبس الشباب الآن السلسلة ويفتحوا القميص ويعملو دوجلاس
أليس هو تأسيًا بالمطرب الفلاني والممثل الفلاني وأمثاله هدانا الله وإياهم


فالحب له علامات ومن يحب أحد يتشبه به فالتشبه بالرجال فلاح
وبعدين يا جماعه انا عارف ان في كتير مش بيحبو شكل اللحيه بس ربنا بيحبها تعرفو ليه؟؟؟

عشان الرسول صلي الله عليه وسلم كان ملتحي وفي صحيح مسلم عن جابر بن سمرة رضي الله عنه في وصف النبي صلى الله عليه وسلم ، قال : وكان كثير شعر اللحية .
وكل الانبياء والصحابه علي فكره

وشكل النبي احب شكل لربنا لذلك احلي زينه ان الواحد يتشبه بالرسول صلي الله عليه وسلم وكمان النبي امرنا بأطلاق اللحيه وقال اعفو اللحي وأرخو اللحي ووفرو اللحي


قال تعالى::{مَّنْ يُطِعِ الرَّسُولَ فَقَدْ أَطَاعَ اللّهَ وَمَن تَوَلَّى فَمَا أَرْسَلْنَاكَ عَلَيْهِمْ حَفِيظاً }النساء80

المهم ان الشاب ده شرح لكم هو ليه ملتحي وحسيته انه انسان ودود وطيب يا تري ممكن تتزوجيه ؟؟؟

طبعا في ناس هاترد الرد الطبيعي اللحيه مش هي الاساس وان مش هي اللي بتعبر عن الالتزام بس انا حاطط شرط انه يكون صفاته الداخليه طيبه والمفروض ان ده الاصل . بس لكل قاعده شواذ فأنا مثالي علي اعتبار انه بالفعل انسان ظاهريا وداخليا كويس.
والملتحي في النهايه انسان مش معصوم لكنه بيجاهد نفسه عشان يكون زي النبي صلي الله عليه وسلم قال تعالى::{وَأَطِيعُواْ اللّهَ وَالرَّسُولَ لَعَلَّكُمْ تُرْحَمُونَ }آل عمران132 و هو شخص ليس حجة علي الدين ولايُعرف الحق برجاله
أقصد أن ده مش سبيل لنا لنطعن في الدين نفسه فلو كان كذلك لكان لنا ان نطعن في الإسلام لما آل إليه حال المسلمين اليوم

اما عن نفسي فالرجل رجل بالحيته وتشبهه بسيد المفلحين

يا ملتحي بارك الله فيك وفي عملك الصالح